Rider nga giingong nangluwa sa drayber sa Ceres bus sa Talisay, gipatawag sa LTO 7
Nagpagawas og show cause order ang Land Transportation Office sa Central Visayas (LTO 7) batok sa drayber sa Honda ADV nga motorsiklo ug sa drayber sa Ceres bus human nag-viral ang video sa ilang panaglalis atubangan sa Robinsons sa Talisay City, sumala sa SunStar Superbalita. Sa video, giluwaan kuno sa rider ang drayber sa bus. Gimandoan ang duha nga itugyan ang ilang lisensiya alang sa preventive suspension, ug gipa-alarm ang duha ka sakyanan.
