NTF-WPS: Barko sa Chinese militia ug 22 ka sampan, misulod sa katubigan sa Kota Island
Gikondenar sa National Task Force for the West Philippine Sea ang pagsulod sa Chinese maritime militia vessel ug 22 ka sampan sa territorial sea sa Kota Island sa Kalayaan, Palawan, niadtong Oktubre 9, sumala sa GMA News. Nangisda kuno kini nga walay pagtugot ug nanglabay og basura. Gilibotan kuno sa mothership ang mga sakayan sa Coast Guard una mibiya ang tanang barko. Kini usab nga barko ang nagdala og 24 ka sampan niadtong Septiyembre 28.