Magnitude 6.4 nga linog, miigo sa Davao Occidental; klase sa GenSan, gisuspenso
Miigo ang magnitude 6.4 nga linog sa Davao Occidental alas 4:07 sa hapon karong Huwebes, Oktubre 8, sumala sa PHIVOLCS, matud sa GMA News. Anaa kini sa 42 kilometros habagatan-kasadpan sa Balut Island sa lungsod sa Sarangani. Intensity IV ang natala sa General Santos City ug pipila ka bahin sa Sarangani province, South Cotabato ug Sultan Kudarat. Walay gipaabot nga kadaot apan mahimong adunay aftershocks. Gisuspenso sa GenSan ang klase ug trabaho sa city government.